Osta kaksi šalguu da sua lehtele uuzi tiluaju!
Tulii tilavusdekuadu, kudaman aigua suau tilata lehtie huogehembal hinnal, rodieu kezäkuun 7.-17. päivinny. “Oman Muan” toimittajat täytty vägie ečitäh lehtele uuzii tiluajii, sih niškoi hyö pandih rattahile uuzi projektu.
Kielimoudu-projektan mugah “Oman Muan” toimittajat luajittih šallut, kudamis on lehten logotiippu da kirjutekset “Oma mua – mandžoi” da “Oma mua – manšikka.” Yksi šalgu maksau 300 rubl’ua.
– Šalguloin myöndäs suaduloih den’goih toimittajat tilatah Oma Mua -lehti moizile ristittyzile, kudamat enne ei lugiettu tädä lehtie. Kahtes myövys šallus lehtel rodieu yksi uuzi tiluaju. Šalguloin ostajat voijah ičegi sanuo, kelle olis hyvä tilata lehti ilmai. Suurendakkuammos yhtes karjalazen lehten painosmiäry! Sanoi Oma Mua -lehten toimittajan virras toimii Ol’ga Smotrova.
Kielimoudu-projektan on kannatannuh MA Castrénin seura. Projektu sai allun tänäpäi, 27. sulakuudu.
