Oravansuari: kunnostamine jatkuu
Petroskoin Oravansuari-puustos loppiettih kunnostamizen toine vaihe. Petroskoilazien vallittuloi projektoi pietäh Karjalan tazavallan piämiehen silmän al da kanzallizen Infrastruktuuru elaigah nähte -projektan mugah.
— Pystytimmö tulipaččahat, istutimmo puut da tuhjot, azetimmo laučat, luajiimmo uvvet kävelytiehyöt, kuduat vietäh puustospäi Rovion da Tornevan pihoile. Kylmykuun allus kunnostamistu pidäi laitos azettau puustoh šahmattustolan. Kaikis enin hyviä muutostu on puuston keskučas — lammikon kohtas. Myö puhtastimmo da syvendimmö sen, nygöi se on parembi kaččuo da lammikos ”elavui” ekosistiemu, sanoi Petroskoin piälikkö Inna Kolihmatova Karjalan piämiehen lehtistöpalvelule.
Karjalas vuvvennu 2025 rodieu kunnostettu 16 objektua, kuduat voitettih iänestykses mennyt vuon. Kaikkiedah jälgimäzen viijen vuvven aloh kanzallizen projektan mugah tazavallas on kunnostettu 439 yhtehisty kohtua.
Aihies voit lugie suomeksegi.
