Oniegan randupihah azetettih uuttu sportulaittehistuo
MB Barbell -firmu azetti Petroskoin järvirandah uuttu laittehistuo niilöih rahvahih niškoi, kel on tervehysrajoituksii.
Nygöi sportuinfrastruktuuru linnan kuulužas huogavundukeskukses rodih vie lähembä niilöile, kel on huono tervehys da on vaigei piästä voimistelemah.
Endizien voimisteluvehkehien joukkoh ližättih moizii, kudamii voijah käyttiä niistiet rahvas. Paiči sidä on azetettu nelli trenažourua, kudamii voijah käyttiä ristittyzet, kudamil on kibei selgy, landehet, nivelet da olgupiät. Sportulaittehet ollah kaikile pädijät — voimattomile da tervehile.
— Myö muutimmo trenažoiroin rakendehii niilöin ristittyzien nevvoloi noudajen, kel on tervehysrajoituksii, sanoi Karjalan piämiehen lehtistöpalvelule MB Barbell -firman piälikkö Vadim Markelov.
Laittehiston käyttäjien mugavuksekse on luajittu ylembä nostettavat da alemba laskettavat selgynojat, eistettävät varret, ližäkiinittimet — selgäh kiinitettävy remeni, kudai korrendau lujuttu da luadiu harjaitukset turvalližikse.
Aihies voit lugie vepsäkse da suomekse.
Yhty Oman Median kanualah MAX:as!
