Om pästtud eloho “Urho – vägestusen tehuzidme” -projektan toine videorolik
Om pästtud eloho “Urho — vägestusen tehuzidme” -projektan toine videorolik. Nece lühud fil’m om südäntkoskii starin siš, kut saldatoid erazvuiččiš rahvahišpäi vojui ühtes, tedotab Karjalan rahvahaližen da regionaližen politikan ministerstvan press-služb. Mugažo sišpäi voib tedištada Sovetskijan Sojuzan Gerojan Viktor Nikolajevič Leselidzen urohontegos. Necen ristitun nimi jäb igäks Karjalan istorijas.
Videorolikad, miččed oli tehtud projektan aigan, andaba voimusen kacta voinha toižin — nägištada ristituid, kudambad eliba ičeze mal, navediba da kaičiba sidä. Pähengenke — Urho-prihaiženke, karjalaižen partizanan pravunukanke — ühtes kaikutte laps’ rižaškandeb aigoiden sidod da el’gendaškandeb, miše gerojad ei olgoi legendoiden henged — hö oma prostad ristitud, kudambad vajehtiba regionan elo-ozan.
Idei starinoita voinan polhe mugoižes formatas sündui “EtnoSmart” -norišton foruman aigan. Nored aktivistad tahtoiba, miše nece jüged da tärged tem oliži lapsile lähemb da sel’ktamb.
— Mugoižiden fil’moiden serii tehtas norišton patriotižen kazvatusen tärktaks palaks, sanuba foruman ühtnikad.
“Urho — vägestusen tehuzidme” -projekt todenzoittas Karjalan rahvahaližen da regionaližen politikan ministerstvan abul.
Videorolikan voib kacta ministerstvan oficialižel VKontakte-lehtpolel.
Uzišt neciš temas voib lugeda mugažo karjalaks.
Tarkištele "Oma Median" Telegram-kanalad!
