Änižen randirdal azotadihe uded trenažorad
Änižen randirdal azotadihe “MB Barbell” -firman uded trenažorad, miččed om oigetud ristituihe röunatadud tervhuden voimusidenke, siš tedotab Karjalan tegeližuden da möndan ministerstvan press-služb.
Sporttandrehel azotadihe kaks’ speciališt trenažorad, miččed oli tehtud ristituile, kudambad kävutoitaba invalidan kezrvedint, a mugažo niile, kenel om erazvuiččid likundan röunatusid. Sen ližaks om azotadud nel’l’ trenažorad tervehtoituzlikundan täht — ned abutaba ristituile, kudambil om sel’gän, landehnivelehen, harjoiden da kohtun problemoid. Om tärged, miše uzid trenažorad voib kävutoitta kaikutte tahtnik — kut mez’ tervhuz’problemoidenke, muga terveh-ki mez’.
— Olem vajehtanuded trenažoroid muga, miše ned kožuižiba ristituile röunatadud tervhuden voimusidenke, sanui “MB Barbell” -firman pämez’ Vadim Markelov.
Uziš trenažoroiš voib reguliruida sel’gtugid da varzid, mi abutab löuta hibjale parahimid oloid sportharjoitusiden tegemižen täht. Mugažo trenažoroil om ližavöid, miččiden kävutand tegeb sportharjoitusid vatumatomambikš. Kaiken ližaks radmärad voib valita ottes homaičushe kaikuččen ristitun individualižid voimusid da erigoičusid.
Uzištoid neciš temas voib lugeda mugažo karjalaks da suomeks.
Tarkištele "Oma Median" MAX-kanalad!
