Pohjolan värijä -nimini šävellyškokomuš näki päivänvalon. Šiih kerättih uušien musiikkikappalehien nuottija hromattisen kantelehen šoittajilla.
Kokomukšen luatijana on tunnettu kantelehenšoittaja, Kantele-yhtyvehen entini muusikko Valentina Matvejeva. Yli 25 vuotta hiän šoitti kollektiivissa. Yhtyvehen solistina ollešša Valentina šävelti tevokšie nuorilla kantelehenšoittajilla.
– Toivon, jotta jokahini löytäy täštä kokomukšešta ičelläh miellyttävyä musiikkie, luatija šanou.
Kokomuš niise innoštau lapšie ta nuorie opaštumah šoittamah kantelehella. Kirjasen julkaisu on oša venäläis-šuomelaista Kantele-GO! -projektie. Šen alotti viime vuotena Kantele-talo. Šiitä projektih liityttih Itä-Šuomen yliopisto, Runolaulu-Akatemija ta Priäžän taitokoulu.