Mul’tfil’m Essoilaspäi vägesti Rahvazkeskeižel festivalil
Festivalin nimi om ”Tuivež”, mi komin kelel znamoičeb ”tesar’t”. Tuivež om sija, kus vasttasoiš heimrahvahiden kul’turad da sädairistitud, kudambad puhuba ”ühtehe hil’he”. Nece festival’ pidetas vodelpäi 2009, täl kerdal se mäni Siktivkaras 14.-17. sügüz’kud. Vizualine taideh nece om socialižed rolikad, animacii, klipad, dokumentaližed fil’mad da vändfil’mad. Täl vodel festivalile oli oigetud 190 pakičust nelläspäi maspai da Venäman 25 regionaspäi. Niišpäi 5 pakičust oli Karjalaspäi.
– Kaikuččes nominacijas valitihe kaks’ vägestajad. Ned jagatihe kacujiden igän mödhe: 6+ da 18+, sanub žurijoukun ühtnik Arto Rinne.
Nominacijas ”Lühüdaigaine animacii ” kategorijas 6+ sai vägestusen ”Domik sveta”-studijan avtoroiden jouk Essoilaspäi ” Kyykky”- animacionižes fil’mas.
Mugažo specialižel diplomal ”Professionaližes tegendas da suomalaiž-ugrilaižen stil’an popul’arizoičendas” pauklahjoitihe Petroskoin avtoroiden jouk ”Kozittu”-vändfil’mas.
