Muinošlaulujen kivi on ašetettu Karhumäjen piirissä
Karhumäjen Velikaja guba -kyläkunnan Purgino-kyläššä ašetettih Muinošlaulujen kivi.
Uuši objekti šijottautuu ylänköllä, mistä avautuu luonnonkaunis näköala Oneganiemellä.
– Vuotena 1860 Oneganiemen huomattavilta starinankertojilta oli kirjutettu muinošlauluja, kumpasie šiih aikah šuaten piettih hävitettyinä venäläisen kanšan kešen. Muajilmalla niitä avasi Pavel Nikolajevič Ribnikov meijän šeuvun tutkimušmatan aikana, kertou muistomerkissä kirjutettu teksti.
Muinošlaulujen kiven ašettamisen projekti ilmešty Karjalan tašavallan piämiehen Artur Parfenčikovin alottehista. Šen toteuttajina ollah Karjalan tašavallan kultuuriministerijö ta monet partn’orit. Petrozavodskmaš-valumetallitehtahalla valmissettih muistomerkki disainerin Alina Butorinan luatiman mallin mukah. Karhumäjen piirin hallinto anto ašettamispaikan, löysi sponsorin, järješti kiven kuletukšen ta ašennukšen. Šuunnitelman mukah muistomerkin ympäri olijan alovehen kunnoštamini jatkuu.
