Mi meles, se i keles: vastuz rahvahaližen teatran akt’roidenke
Ezmäižel Vepsän kelen nedalin päiväl mäni vastuz Karjalan Rahvahaližen teatran akt’oroidenke. Hö starinoičiba ičeze rados teatras, sädandrados, projektoiš, avaižiba akt’oran radon peitusid da andoiba vastisid küzundoihe.
―Vastuz oli lujas hüvä, sikš ku ristitud kundliba meid tarkas, küzuiba. Mö starinoičem meiden projektoiš, planoiš da völ kerdan johtutim ristituile rahavahan kul’tutan znamoičendan polhe, sanub Rahvahaližen teatran akt’or Aleksandra Aniskina.
Aleksandra Aniskina da Andrei Gorškov oma Karjalan igähižiden rahvahiden ezitajad. Heiden rolid ”Kodi iknoil pöudolepäi”-spektakl’as jäiba muštho kaikuččele vepsläižele, ved’ nece om ezmäine vepsänkeline spektakl’. Se sai ”Sampo”-pauklahjan vodel 2021.
Paiči radod Rahvahaližes teatras Aleksandra Aniskina da Andrei Gorškov tegeba karjala-vepsläišt ”KV-show”. Lühüdoiš rolikoiš hö starinoičeba Karjalan mas, rahvahiš, miččed eläba karjalas da rahvahiden veroiš da tradicijoiš.
