26.-28. kül’mkud Karjalan rahvahaline teatr vasttab adivoid ičeze laval. Nenil päivil P.V. Kučijakan nimen rahvahaline teatr Mägi-Altaiskaspäi om adivajelusil Petroskoiš.
Rahvahaližiden teatroiden kosketused oma nügüd’ korktal pordhal. Petroskolaižed voiba kacta koume teatrozutelust, miččid vaumičiba Mägi-Altaiskan rahvahaližen teatran akt’orad.
— Jo äi vozid Karjalan rahvahaline teatr radab toižiden Venäman teatroidenke. Meiden akt’orad oliba jo Vladikavkazas, Iževskas, Belgradas, a neniden lidnoiden teatrad eziniba meiden laval. Toivon, miše täl kerdal koronavirus ei talusta vastata adivoid, sanub Karjalan rahvahaližen teatran pämez’ Irina Šumskaja.
Kaik teatrozutelused oma venän kelel. Suren koncert-programan mödhe adivod voiba kundelta kurkpajatamišt da etnomuzikad tradicionaližil vändumil.
Tedoid biletoiden polhe voib löuta Karjalan rahvahaližen teatran saital.