Anuksen piirin Kotkatjärven hieruh avatah uuzi kirjasto. Kirjasto, kudai on sijoitannuhes Kotkatjärven kul’tuurutaloih, uvvistetah kanzallizen Kul’tuuru-projektan mugah. Kirjaston tiloin kohendusruadoloih, pertilomuloih, tiedokonehih da uuzih kniigoih annettih viizi mil’jounua rubl’ua. Kirjastoh rodieu korgievauhtilline internettu.
Kirjastoh suadih enämbi 3 000 uuttu kniigua.
— Uvvistimmo 90 prosentua kniigua lapsih niškoi, tuliel aigua ostammogi kluasiekkukniigoi. Kirjastos on äijy sähkökniiguagi, saneli Kotkatjärven kirjaston ruadai Svetlana Iljina tazavallan halličuksen viestipalvelule.
Kul’tuuru -projektan mugah Karjalas uvvistettih jo kaksi kirjastuo — Kondupohjan piirin Jänišpuoles da Sordavalas. Tänävuon vie yksi nygyaigaine kirjasto kačotah avata Sordavalan piirin Värtsilän kyläh.