Lidnan laps’kirjišt avaiži verajid ”Periodika”-paindišton radnikoiden täht
”Kipinä”-žurnalan da ”Oma Mua”-lehtesen toimitajad oleskeliba Pertoskoin kirjištos Danilovan nimele. Ezmäi pagištihe ”Kipinä”-žurnalan polhe. Sen tehemižen etapoš, pirdajiš da radnikoiš. Sid’ Margarina Kemppainen om tehnu mastar’-klassan lapsiden täht. Hän starinoiči endevanhoiš karjalaižiden sädoiš, ozuti čomid tätüižid rahvahaližiš sädoiš da andoi lapsile voimusen panda päle erasid sobid.
― Minä paksus tegen mugoižid mastar’-klassoid tahtnikoiden täht. Kaiken om melentartušt starinoita ristituile sädoiden polhe. Lapsile mugažo tuli mel’he, sanub Margarita Kemppainen.
Suomalaiž-ugrilaižen školan 2A klassan openikad školas opendaba karjalan, suomen da vepsän kelid. Sikš, miše sanuda spasib-sanad, lapsed pajatiba kaks’ pajod suomen kelel.
