Laukat da tavallizet rahvas: topat erikseh
Karjalan laukoil da syöndyalan laitoksil on kielletty kuadua toppii da syömisjiännöksii niilöih kuadokohtih, kudamii käytetäh monifatierahizien kodiloin eläjät.
Karjalan piämiehen Artur Parfenčikovan käskys, Karjalan eläjien kel vastavuksien tuloksii huomivoh ottajen da heijän pahoitteluksii kuultuu Karjalan tazavallan luonnonrikkahuksien da ekolougien ministerstvu on valmistannuh uvvet siännöt, kudamien mugah ruvetah suittamah da kabrastamah kovii jiännöksii.
Karjalan piämies hyväksyi uvvet siännöt, kuduat sellitetäh enne olijoi miärävyksii da lujoindetah uuzii.
— Siändölöis on kieldo torrun da syömisalan laitoksih niškoi kuadua syömis- da biojiännöksii niilöih kuadokohtih, kudamii käytetäh monifatierahizien kodiloin eläjät. Moizien jiännöksien hävittämizekse laitoksil pidäy olla omat konteinerat laitoksen tilois libo omat kuadokohtat da erillizet sobimukset jiännöksien viendäh niškoi, ilmoittau Karjalan tazavallan luonnonrikkahuksien da ekolougien ministerstvu omassah tiedottehes.
Siändölöis on erilline normu duaččuniekkoih niškoi. Heil suau suittua toppii vaigu niilöih bunkeroih da konteineroih, kuduat ollah heijän mualoil da heijän kuadokohtis.
Aihies voit lugie suomeksegi.
Yhty Oman Median kanualah Telegramas!
