Karjalan tazavallas vuvvennu 2027 lapsien aijanvietokse luajitah kuuzi kul’tuurukeskustu kanzallizen Pereh-projektan mugah. Uvvet kul’tuurulaitokset avatah äijih kohtih.
— Kuskukset luajitah toimijoin laitoksien pohjale: Segežan muzeikeskuksen, Kemin alovehen Pomorje-kodialovehmuzein, Loninan nimellizen Šoltjärven vepsäläzien muzein, Vojačun kirjaston, Karjalan tazavallan kanzallizen kirjaston da Priäžän aijanvieton da taijon keskuksen pohjale, on ilmoitettu Karjalan haldivon saital.
Lapsien kul’tuurukeskuksien luadimine levendäy mahtot nuorien kel ruadajes. Uuzis tilois ruvetah valmistamah opastus- da kehitysprogrammoi, pidämäh harjaituksii. Niilöin pidoloin vuoh lapset da nuoret enämbän tiijustetah oman rannan histourieh, kul’tuurah da perindölöih hänte.
Petroskoil jo ruadau kolme mostu keskustu: Kižin muzein tyves, Taidomuzein da rahvahallizen taijon da kul’tuurualguhpanoloin keskuksen tilois.
Aihies voit lugie suomeksegi.
Yhty Oman Median kanualah MAX:as!