Petroskoin Taidehmuzei taričeb lapsile mänetada kezapästusid ühtes. Keza-akademii om parahim sija löuta sebranikoid, tundištadas taidehenke da sada uzid tedoid veslas.
Taidehmuzejan radnikad pidäba urokoid Keza-akademijas lapsiden täht. Lapsed voiba tuleskelda muzejaha kaks’ nedalid, sada tedoid tedomašiman grafikan da animacijan polhe, tundištadas Photoshop-programmanke. Lopus kaikuččel ühtnikal om vaumiž tö, miččen hän om tehnu iče.
—Mugoižed kursad Keza-akademijas ozutaba lapsile da vanhembile, miše taideh ei ole tuskikaz azj. Taidehkul’turan tradicijad hüvin eläba virtualižen mirunke ühtes, sanub Julija Aprodu, Taidehmuzejan radnik.
Keza-akademijan aigmär: 2.-13.elokud, 16.-27.elokud 202.
Kirjutadas voib telefonan mödhe 633-800, +79114003800 vai Taidehmuzejan Vkontakte-gruppas