Vieljärven endizen sel’pon kantoran pihah rahvas voijah tuvva erikseh kerättyy st’oklua, plastiekkua, hylgybumuagua, raudua. Hyvän ruavon pani rattahile vieljärveläine Nadežda Zaitseva mennyt sygyzyn.
– Minä otin huavot, panin seinäh i panin etiketkat “st’oklazet”, “plastiekat”, “raudahet” i rahvahat zavodittih tuomah. Hil’l’akkaizeh, no tuomah. Minä tahtoin, štob rahvas harjavuttas tuvva meile kai nämät lomut, što ielleh anna zavodat ruatah, štob mua meijän olis puhtas, štob ei ollus nenga äijy kaikkie pahua, tob olis puhtas Vieljärvi, sanou Nadešda Zaitseva.
Konzu huavot endizen sel’pon kantoran seinäl täytytäh, Nadežda panou tilah tyhjät. Tävvet huavot vedäy endizeh sel’pon limonuadukeittämöh. Koin nygöine ižändy andoi luvan suittua levon ual erikseh kerättylöi jättehii, kuni niidy ei vietä linnah.
Ližiä lugekkua täs.