Täl vodel ”Periodika”-paindištole täudui 30 vot. Paindištos radaba parahimad rahvahaližiden keliden tundijad da navedijad. Taroi-tätüine, mitte konz-se eli ”Kipinä”-kulehtesen lehtpolil, oli adivoiš ”Periodikan” redakcijoiš. Pätoimitajad starinoičiba ičeze rados.
Tal’vkus ristitud zavodiba vaumištadas Udeks vodeks. Tahtoid-ik tehta bobaižen kuzen täht iče? Avaida ”Kipinä”-kulehtez da tege lumiuk lampaspäi ičeiž käzil. ”Kipinä”-kulehtesenke sinä void kebnas tehta čoman bobaižen da antta lampale toižen elon.
Kaikuččele lindule hüvä sömine om erazvuitte! Siš pidab muštta ristituile, ked tegeb sömsijoid linduiden täht, toskeleb erazvuiččid sömižid. Midä söba sorzad, a midä tijaižed, lugekat udes nomeras.
”Kipinän” paličal om uz’ kirj – ”Vepsläižiden vändod”. Sen tegii Elizaveta Makarova sanub, miše enččed vepsläižed vändod voiba abutada tedištada rahvahan istorijad da kul’turad. Miččed vändod oliba vepsläižil, lugem ühtes.
Teiden ičetoi lehtpolil möst om melentartuine starin. Täl kedal hüvä prihaine Petroskoišpäi kirjuti ičeze flagoiden kollekcijan polhe. Mugažo lugijoid varastab äi melentartuižid tedoid flagoiden polhe.
Mi om kebnemb – mandarin vai vezi? Tedištada necidä void kodiš meiden kebnan kodvusen abul. ”Pähkmed aivoile”-rubrikas tradicijan mödhe om äi melentartuižid tegendoid da vändoid.
— Täl kerdal meiden nomeras mö vaumičim kalendarin udele 2022 vodele. Mugažo žurnalas om paindud meiden lugijoiden ozatelendkartaižed da runod, miččed hö oigenziba meile 35-jubilejaks, sanub ”Kipinän” pätoimitai Jana Filimonkova.