Kyykkä-peluaja Žanna Tikkanen: Pitäy olla tarkka šilmä ta voimua kiäššä

Kyykkä-peluaja Žanna Tikkanen: Pitäy olla tarkka šilmä ta voimua kiäššä

08.08.2022
Gorodki-pelin Muailman meštaruš piätty Leningradin alovehen Priozersk-kaupunkissa.
Žanna Tikkanen Venäjän piäjoukon jäšenenä piäsi voittajakši joukkokilpailušša ta šai pronssimetalin henkilöturnaukšešša. Kuva: Uljana Tikkanen
Žanna Tikkanen Venäjän piäjoukon jäšenenä piäsi voittajakši joukkokilpailušša ta šai pronssimetalin henkilöturnaukšešša. Kuva: Uljana Tikkanen

Elokuun 1.—8. päivinä Priozerskissa piettih 8. Muailman meštaruš. Karjalan kyykkä-peluaja Žanna Tikkanen esiinty niissä Venäjän piäjoukošša ta näytti hyvie tulokšie. Niise še, jotta Žanna oli kučuttu muailman kilpailuh on monivuotisen ruavon tuloš.

— Jotta piäššä täman vuuvven meštaruoh mie kahen vuuvven aikana esiinnyin Venäjän ta Luoteis-ošan kilpailuissa ta olin voittajien luvušša, šano Žanna Tikkanen.

Tänä vuotena Žanna näytti šamoja tulokšie, kuin viimesissä MM-kilpailuissa Šakšašša, ka kilpailla oli tietyšti vaikiempi, vet’ joka peluajan nero kašvau. Enšimmäisenä voimien kuot’t’elukšena oli piäššä Venäjän piäjoukkoh. Šiitä piäjoukon jäšenenä — voittua joukkokilpailuissa ta henkilökilpailušša jiähä voittajien lukuh. Joukkokilpailušša Venäjän piäjoukko varmah voitti toisen venäläisen ta valkovenäläisen joukon.

— Yksityiskilpailušša olima peräkkäin, enšimmäisellä paikalla olija šai 16 pistehtä, toisella — 15 ta mie — 14. Tuntu, jotta še oli tovellini taistelu. Finalissa, kyllä mie hermoššuin, kun oli niin äijän kaččojie ta še tunneh häiričči milma. Pualikka lenti kunne iče tahto, eikä kunne mie löin. Pitäy opaštuo vielä peluamah kiinittämättä huomijuo minnekänä paičči kenttyä ta omua pelie, lisäsi Žanna.

MM-kilpailuh tulluot kuuvven muan urheilijat šekä yhissetyn gorodki-joukkovehen etuštajat koroššettih, kuin hyvät olot oli tarjottu kilpailijilla. Klassista, europpalaista ta šuomelaista gorodki-pelie varoin oli valmissettu eri kentät.

— Mie šanoin tätä netälie, kumpasen vietin Priozerskissa kyykkä-parentolakši. Priozerskissa on korkietašoni gorodki-urheilukeškuš. Kuin hyvät tulokšet oltais, još harjotella šamanmoisella joka päivä, muhiu Žanna.

Enši gorodki-pelin MM-kilpailut pietäh kolme vuotta kuluttuo. Šinne Žanna kučutah, još hiän rupieu aktiivisešti ošallistumah eri tašan kilpauluih ta näyttämäh tätä parempie tulokšie.


Lisyä lukekkua Oma Mua -lehen tuorehešta numerošta ta Karjalan Sanomista.


SIMILAR NEWS
Karjalan Sanomat
Venäjän kyykkämestaruus: Karjalan kyykkäjoukkue voitti pronssimitalit
Mestaruuskilpailuissa kilpaili seitsemän joukkuetta. Kyykkäkilpailut järjestettiin Leningradin alueella.
Karjalan Sanomat
Kontupohjan piiriin nousee hiihtokeskus – Investointien määrä 21 miljardia ruplaa
Suunnitelmien mukaan urheilukeskus vastaanottaa 280 000 turistia vuodessa.
Karjalan Sanomat
Kostamuksen ampumahiihtokeskukseen hankitaan elektroninen ajanottojärjestelmä
Uusi laitteisto mahdollistaa erilaisten hiihto- ja ampumahiihtokilpailujen järjestämisen.
Oma Mua
Vesiturismikilpailut juniorien kešen startattih Karjalašša
Kešäkuun 27. päivänä alettih Venäjän vesiturismikilpailut juniorien kešen.
Karjalan Sanomat
Valkeat yöt -rallikilpailut: ralliautoilijat ajavat yli 120 kilometriä
Kilpailut järjestetään 20.–22. kesäkuuta. Laatokan Karjalaan tulee urheilijoita eri puolilta Venäjää.
Karjalan Sanomat
Lisää hyppyrimäkiä Karjalaan – Urheilukohteen rakennusprojekti on hyväksytty
Urheilukeskuksen alueella on muun muassa K50-hyppyrimäki, hiihtostadion ja rullahiihtolatu. Uusi urheilukohde otetaan käyttöön vuonna 2026.
Karjalan Sanomat
Loputon juoksukilpailu: voittaja juoksi noin 400 kilometriä ilman unta kolmessa päivässä
Pietarilainen ultrajuoksija Aleksei Belousov on voittanut Ptz Backyard Ultra -juoksukilpailun. Toiselle sijalle pääsi petroskoilainen Aleksei Samukov.
Karjalan Sanomat
Ruskealaan urheilukisoihin — Ehdi ilmoittautua!
EcoFest Ruskeala järjestetään marmoripuistossa 29. kesäkuuta. Tapahtumaan ilmoittautuminen käy kiivaana, yli 420 on jo ilmoittautunut.
Karjalan Sanomat
Urheiluinfra kehittyy – 16 piirikoulussa peruskorjataan urheilusalit ja stadionit
Tänä vuonna urheiluinfrastruktuuria parannetaan muun muassa Pääjärvellä, Pindušissa, Sortavalassa, Kostamuksessa, Kiestingissä, Lietmajärvellä ja Vääräkoskella.
Karjalan Sanomat
Paralympialaiset Pariisissa 2024: Petroskoilainen taekwondo-valmentaja toimii tuomarina
Vuonna 2022 Jelizaveta Tarasevitš valittiin parhaaksi Tokion paralympialaisten tuomariksi naisten keskuudessa taekwondokilpailuissa.
Login
Register
Password
Confirm password