Kohta kanšallisella kyykkä-pelillä ilmeštyy oma mobiilišovelluš. Nykyjäh Karjalan tašavallan Kyykkä-liitto valmistajien kera yheššä mietitäh disainie ta šisältyö. Projekti on esitettävä talven lopušša.
– Myö tahomma, jotta ušiemmat ihmiset tutuššuttais šiih urheilulajih, kumpani ammusista ajoista on ollun šuosittu Karjalašša. Kyykkä on ainutluatuni, šiih voit pelata yksin tahi joukošša. Pelillä šopiu vaikka mi tašani kenttä ta vaikka mit šiäolot, kertou projektin johtaja, Karjalan tašavallan Kyykkä-liiton etuštaja Maksim Kaigorodov.
Šovellukšešša pelin šiännöt on luvettava niise karjalan kielellä. Lisäkši, käyttäjillä on mahollisuš pelata kyykkäh online.
– Virtualisen muajilman lisäkši myö tahomma, jotta lopulta meijän šovellukšen käyttäjät tultais kentällä ta pelattais. Elävän pelin tuntehet ollah kirkkahampie! koroštau Maksim Kaigorodov.