Omal Vk-sivul Karjalan piämies Artur Parfenčikov saneli, ku tänävuon Karjalas ruvetah pidämäh Voitonpäiviä.
Karjalan piämies ilmoitti, kui tänävuon kaikin voijah tulla panemah kukkii Tundemattoman saldatan kalmoile, Igähizen tulen tyveh, Oniegan laivaston merimiehien da Voinukunnivon linnu –mustopaččahien luo. Voiton 76-Vuozipäiväkse Kiirovan lagevol rodieu pruazniekkuparuadu.
– Meil, tiettäväine, himoittau astuo “Kuolemattomas polkas”, ga pahakse mieldy, tänävuongi se pido rodieu online. Muga rodieu kogo Ven’an mual. Vahnemban polven rahvas pietäh omannu vellannu yhtyö paruadah, ga myö emmo voi panna heidy riskih. Koronaviirussu ei ole vie voitettu... A meijän veteruanoile da vahnemban polven rahvahale tämä taudi on ylen varattavu, kirjutti omal Vk-sivul Artur Parfenčikov.
Yhtyö online-paruadah voibi 2021.polkrf.ru -saital, sinnegi pidäy sijoittua omien saldatoin kuvat. Oraskuun 9. päivänny saldatoin kuvat ozutetah yhtehizen transl’atsien aigah Karjalas.