Kurkijoven kyläh nostetah Jumaldoman roindan kirikkö
Karjalan valattamizen 800-vuozipäiväkse Kurkijoven kyläh nostetah Jumaldoman roindan kirikkö endizen luaduh. Petroskoin da Karjalan mitropoliittu Konstantin pyhitti kohtan Kirikkömäil, kuduah luajitah uuzi kirikkö.
Artur Parfenčikovan tervehtyssanat pidoh tulluzile kerdoi Karjalan piämiehen syväinpoliitiekas vastai sijahine Roman Golubev.
— Se on tärgei histourielline tapahtumu, kudual on erinomaine sija karjalazien valattamizen 800-vuozipäiväh varustamizes. Juuri tiä, täl kohtal sytyi pravoslavnoi usko meijän mual. Erikseh tärgei on se, ku myö piemmö tädä tapahtumua Pyhän Jurrin mustopäivänny, meijän suurdu pruazniekkua Voitonpäiviä vaste.
Kurkijoven kylä on Karjalan vahnimii eländykohtii, XV vuozisual se oli Kirjažan pogostan keskuksennu. XV vuozisuan tiedoloin mugah pogostan kirikkö oli pyhitetty Jumaldoman roindan nimeh. Vuvvennu 1656 Ven’an da Ruočin voinan aigah kirikkö paloi.
Sen elavuttamizeh yhtytäh hyvyönluadija da paikallizet rahvas.
Yhty Oman Median kanualah MAX:as!
