Uden voden da Raštvoiden kanman Rahvahaližes kirjištos om tehtud “Noidusižed raštvod”- konkurs. Konkursale voib oigeta ičeze sädandradod, kanzan radod da joukun sädandradod školišpäi, kirjištoišpäi da päivkodišpäi. Konkurs tegese koumes igäjoukus: lapsed da pened openikad (7-12 vot), openikad (13-17 vot), toižed ühtnikad (18+ vot). Konkursas om kaks’ nominacijad: ”Raštvoiden melodijad” da ”Minun Raštvoiden starin”.
―”Raštvoiden melodijad”- nominacijaha pidab oigeta kuvataideh, grafik-kuva, käzitöd. Toižehe ”Minun Raštvoiden starin”- nominacijaha pidab oigeta kirjutadud starin, komiks vai buktreilerad Raštvoiden polhe, sanuba Lapsen lugemižen keskusen radnikad.
Pakičuzaig lopiše 20.päiväl tal’vkud. Ičeze töd tarbiž oigeta verkpočtale.