”Kiži”-muzei vedäb online-konkursan «Народная кухня как искусство» (”Rahvahan keitändlad kut taideh”). Ühteta konkursaha voiba kaik tahtnikod.
— Karjalas eläb enamba 130 rahvast. Äjad jogapäiväližed sömižed om kinktas sidotud manradoidenke, ozutaba meiden agjan londusen bohatust da kovad il’mištod. Sikš mö tahtoim, miše valdkundan eläjad jagadaižihe meidenke ičeze sömižiden receptoil, miččid anttas polvespäi toižhe, starinoiči konkursan koordinator Anna Anhimova.
Miše ühteta konkursaha, pidab oigeta Karjalas eläjiden rahvahiden sömižen recept. Mugažo receptaha pidab tehta fotoid – sömižen vaumičendan processan vai vaumhen sömižen.
— Om hüvä, ku kanzan arhivas om fotokuvid, miččed ozutaba kanzan tradicijoid rahvahaližiden sömižiden vaumičendandas, niid mugažo voib oigeta meile, sanui Anna Anhimova.
Material voib olda venän vai rahvahaližil kelil kändandanke venäks. Receptoid pidab oigeta uhokun 8. päivähasai adresadme.
Konkursan ühthevedoid tehtas 11. uhokud ”Art-tal’v Vanhas lidnas”-azjtegon aigan, mitte mülüb ”Giperboreja”-festivalin programmaha. Konkursan vägestajad saškaba diplomid da muštlahjoid.
Tarkašti konkursas voib lugeda täs.