“Kodiman” uhokun nomer om jo lähtnu eloho
Udes nomeras oma materialad vepsän da venän kelel. Lugijad voiba tedištada, midä melentartušt tegihe vepsläižes röunas vilukun lopus da uhokun augotišes.
— “Vepsän kul’tursebran” 35-voččen jubilejan praznuičend oli vilukun kaikid znamasižemban azjtegon vepsläižiden täht. Mö starinoičim siš, kut sebran ühtnikad praznuičiba sidä. Mugažo kirjutim siš, kut mäniba Nikolai Abramovan muštole omištadud vastused Petroskoiš da Podporožjes. Nenil vastusil äjan pagištihe siš, miččen suren panendan Nikolai tegi vepsläižen literaturan täht, sanui “Kodima” -lehtesen pätoimitai Galina Baburova.
“Kodirandaine” -rubrikas voib löuta materialoid, miččed starinoičeba aigtegoiš norišton da lapsiden elospäi. “Literaturižele lehtpolele” om pandud Oleg Mošnikovan “Päiväine kormanaižes” -kirjan arvosteluz.
Uzišt neciš temas voib lugeda mugažo venäks.
