“Kipinä” vuottau kešyä ta purou aivopähkinöjä

Kipinä-kuvalehen oraškuun numeron kanšikuvien luatijina ollah taiteilijat Mihail Solovjov ta Ol’ga Demidova. 6+

Mistä rautaraha voit kertuo? Mitä kielikello Marfa hol’ottau kyläššä? Vaštaukšet näih kyšymykših šie löyvät verekšeštä “Kipinäštä”.

Kuvalehen šivuja šeluallen šie luvet taiteilijan Dmitrii Dmitrijevin runostarinoja ta karjalaisen starinan Oravašta, Kintahašta ta Nieklašta. Vienalaisien kirjuttajien Meeri Tuiskun ta Ilmi Karhun mukavat kertomukšet tuttavuššutetah šilma karjalaisien arkielämäh, a Baltazar L’ubovin ta Veikko Pällisen kaunehet runot lahjotetah kešätunnelmua.

“Kipinän” parissa šie opaššut keittämäh šienirokkua ta marjakiisselie, ta šamoin šuat tietyä äijän mukavua Karjalan meččien šienistä ta marjoista.

— Kuvalehen uuvvešša numerošša on hyvin äijän erilaisie tehtävie: šanarissikköjä, kisoja, aivopähkinöjä. Šen lisäkši lehti tariččou merkkaukšen kuavan ta luvettelon 50 kešäasiešta. A lehen korissukšena on šuuri Karjalua myöte -stolapeli, kumpaseh voit pelata yštävien kera. Niin jotta lukijalla löytyy mitä ruatua kešäloman aikana, on varma “Kipinän” toimittaja Ol’ga Smotrova.