Kilpailu: Myö šanomma “ei” korruptijolla
Karjalan tašavallan piämiehen hallinto ilmottau Myö šanomma “ei” korruptijolla -piiruššuškilpailun pitämiseštä opaštujien kešen. Šitä vietetäh vuosih 2022—2024 Karjalan väješšön antikorruptijosiviššyšohjelman rajoissa.
Kilpailuh šuahah ošallistuo tašavallan yleissiviššyšlaitokšien 7—16-vuotiset opaštujat. Kilpailu on avoinaini. Šiinä on yksi vaihe ta šitä pietäh 9. šyyškuuta — 10. šajekuuta 2024.
– On tärkietä vetyä nuorisuo korruptijorikokšie vaštuajah ruatoh. Še antau muuvvoštua negatiivista košetušta korruptijoh yhteiskunnašša ei ainuoštah lakienluajinnan tašolla. Nuoret ihmiset voijah näyttyä omua košetušta šiih kirkkahien ta muissettavien kuvien avulla, korošti Karjalan varapiämieš, alovehen piämiehen hallinnon johtaja Tatjana Ignatjeva.
Joka ošallistujalta on työnnettävä yksi piiruššuš. Kilpailun ehtoloih voipi tutuštuo Karjalan tašavallan virallisen portalin Vaššuššuš korruptijolla -ošaššošša.
Myö šanomma “ei” korruptijolla -kilpailuo pietäh vuuvvešta 2017 alkuan. Vuuvven 2024 kilpailun ošallistujien piruššukšie käytetäh agitatijomaterialiloissa vuotena 2025.
Työt on lähetettävä šähköpoštilla. Kirjasen teemana on kirjutettava “piiruššuškilpailuh”.
