Kielikursit: kieliniekkua vai liženöy

05.10.2026
Karjalan tazavallan rahvahallizen taijon keskukses piettih karjalan kielen kursiloin avajazet.
Kursuniekoin hyväkse mielekse rahvahallizen taijon keskuksen levon al toimii Čičiliušku-tyttiteatru ozutti palazen ozutelmas ”Koirien Kalevala”. Kuva: Natalja Sinitskaja
Kursuniekoin hyväkse mielekse rahvahallizen taijon keskuksen levon al toimii Čičiliušku-tyttiteatru ozutti palazen ozutelmas ”Koirien Kalevala”. Kuva: Natalja Sinitskaja

Karjalan tazavallan rahvahallizen taijon keskukses piettih karjalan kielen kursiloin avajazet. Niidy pietäh jo piäl kymmendy vuottu Karjalan Rahvahan liiton kehoitukses da kannatuksel.

Livvinkarjalua opastumah tuli 18 hengie, vienankarjalua — 10 hengie.

— Kirjutammos opastumah livvinkarjalua. Minul ollah karjalazet juuret, tahton tiediä omien ezi-ižien kieldy, tazavallan nimenandajan kanzan kieldy. Tahton opastuo ellendämäh da pagizemah, lugemah da kirjuttamah karjakse, sanoi Oma Mediale tulii kursuniekku Anna.

Ongi vaste opastumistu algajien kursuniekoin ližäkse niidy, ket kävväh rahvahallizen taijon keskukseh opastumah kieldy jo sentämän vuvven, tänä sygyzyn tuldih uvvessah — lujoittamah kielineroloi.

Tervehtimäh kursuniekkoi tuli Kanzallizen da alovehellizen poliitiekan ministerstvan ozaston piälikkö Jelena Migunova. Häi kehui suurdu ruaduo, kuduadu ruatah karjalan kielen kehittämizen alal, kerdoi kielen nygyaigazis opastuskeinolois, Yandex-kiändäjähgi niškoi, kudai nygöi ruadau livvinkarjalaksegi.

Oma Mua -lehten piätoimittai Natalja Sinitskaja kuhkutti kursuniekkoi tiluamah da lugemah Oma Mua -lehtie da Kipiniä. Kursuniekoin hyväkse mielekse pivos  pajatti ”Oma Pajo” da Čičiliušku-tyttiteatru ozutti palazen ozutelmas ”Koirien Kalevala”.

Periodika-julguamos sežo algavuttih karjalan da vepsän kielen kursit. Periodikas kursiloi pietäh joga päiviä paiči piätteniččiä da pyhiäpäiviä. Kursuniekkoi on 150 hengie: 70 hengie kirjuttihes opastumah vienankarjalua, 24 hengie tulou opastumah liygii, 34 hengie — vepsiä da 22 hengie — lyydinkarjalua.


Yhty Oman Median kanualah MAX:as!

SIMILAR NEWS
Karjalan Sanomat
Sampo palaa Musiikkiteatteriin uutena tulkintana – Ensi-ilta on jo huomenna
Legendaarinen baletti kantaesitettiin teatterissa vuonna 1959, ja se oli teatterin ohjelmistossa yli 40 vuotta.
Karjalan Sanomat
Apurahaa aloitteille – Karjalan päämiehen rahaston hankekilpailun tulokset on julkistettu
Voittajien joukkoon on päässyt 16 hanketta. Ne koskevat liikuntaa, taideterapiaa, karjalaista kulttuuria, luonnontutkimusta ja terveellisiä elämäntapoja.
Karjalan Sanomat
Karjala on yksi Venäjän suosituimmista karpalon poimintapaikoista
Kolmen suosituimpien alueiden joukkoon kuuluvat Karjalan lisäksi Moskovan ja Leningradin alueet.
carelia
Kaikuččes nomeras – rahvahan heng
Eloho läksi “Verez tullei” -al’manahan uz’ nomer.
Karjalan Sanomat
Kerta-avustus opiskelijaäideille – Laki on voimassa vuoden 2027 loppuun saakka
150 000 ruplan tuen saavat tasavallan korkeakouluissa ja ammattiopistoissa opiskelevat naisopiskelijat, jotka ovat synnyttäneet lapsen.
Oma Mua
Karjalan piämiehen grantufondu: voittajat tietois
On ilmoitettu, ken on voittanuh Karjalan piämiehen grantufondan kilvan toizes vuoros da suau den’guabuu projektoin todevuttamizeh.
Karjalan Sanomat
Venäjän rautatiet: Pakkasukon juna käy yli 60 kaupungissa
Petroskoihin pakkasukon juna saapuu 8. tammikuuta 2027.
Karjalan Sanomat
Koristellaan yhdessä Petroskoi! – Kaupunkivalaistuskilpailu on käynnissä
Kaupungin koristeluun voivat osallistua kaikki halukkaat. Kilpailussa on viisi kategoriaa.
Oma Mua
Hehtari Arktikašša: Karjalašša on annettu 3 761 muapalua
Hehtari Arktikašša -ohjelma antau ihmisillä mahollisuon rakentua talo, alottua omua bisnessie ta jiähä pohjoseh. Vuuvvešta 2021 Karjalašša 3 761 muapalua on annettu ilmaseh käyttöh.
Oma Mua
Petroskoin Uvven Vuvven pruazniekkučomendukseh annetah 6,1 miljounua rubl’ua
Uvvekse Vuvvekse Karjalan piälinnan eri kohtih azetetah 16 kuustu, Petroskoin pihoi čomendetah 600 valgopanelil.
Login
Please authorize:
Login:
Password:

Forgot your password?