Homen Karjalas jo zavodiše Vepsän kelen nedal’. Ristituid varastab äi melentartust: erazvuiččed azjtegod, vändod, vastused da ozutelused. Ozutesikš, ”Kodima”-lehtesen radnikad kucuba kaikid tahtnikoid vändmaha stolvändoihe vepsän kelel. ”Vepsän vezad”-sebran norišt tegeb fil’moiden ehtan. Taidehmuzejas ezmäižen kerdan linneb ekskursii vepsän kelel. Se om omištadud ”Kalevala”-eposale.
— Vepsläižed oma lujas aktivižed. Täl vodel programm tuli melentartuižeks. Pidab sanuda, miše Vepsän kelen nedalin vastused da mastar’-klassad mäneba ei vaiše Petroskoiš, no vepsläiziš küliš-ki, sanub Alina Kartinen, Karjalaižiden, vepsläižiden da suomalaižiden mediakeskusen radnik.
Ku tö tahtoit starinoita Vepsän kelen nedalin azjtegoiš socialižes verkos, kävutagat hešteg #vepsänkelennedal. Täuz’ Vepsän kelen nedalin programm om täs.