Karjalas vaumitadas Igähižiden rahvahiden keliden voz’kümneks
Igähižiden rahvahiden keliden voz’kümne mäneškandeb 2022-2032 vozil. Voz’kümnen mänetandan pätegend om homaita igähižiden rahvahiden keliden problemoid da neniden keliden kaičendan, udessündutamižen da kehitoitusen tarbhut.
Karjalan valdkund aktivižesti vaumičese voz’kümneks. Tegijoiden komitet planuiči jo äi erazvuiččid azjtegoid. Üks’ niišpäi om toimitajiden radoiden konkurs, mitte mäneb necen voden redukus.
– Konkursaha ühtneškandeba toimitajad, kudambad kirjutaba, tegeba radiopaginad da TV-programmad vepsän, karjalan da suomen kelil sen voden 1. vilukud – 30. sügüz’kud, sanub Karjalan rahvahaližen da regionaližen politikan ministerstvan radnik Jelena Migunova.
Johtutam, miše tulijad voz’kümned kucui Igähižiden rahvahiden keliden voz’kümneks Ühthižrahvazkundan (ÜRK) generaližen assamblejan ”Igähižiden rahvahiden oiktused”-rezol’ucii vodel 2019.
