Karjalas on luajittu muapaloin luvettelo voinuniistielöile
Oraskuun lopus tuli vägeh alovehelline l’goutu, kudaman mugah Erillizen voinuoperatsien, Ižänmuallizen voinan da toizien bojutegoloin niistiet voijah suaja ilmai muapalan individualizeh eländyrakendukseh niškoi, libo muapalan omah muatavuoh niškoi eländypunktan rajois libo muapalan saduhoidoh niškoi.
— Sih niškoi, ku suaja muapala, ristikanzal pidäy kirjuttua pakičus učottah panemizekse Karjalan tazavallan omažus- da muavälilöin ministerstvah. Liittehenny pidäy panna pasportan koupii da kai dokumentat, kudamat tovestetah ristikanzan voinuniistielöih kuulumizen, vie pidäy tovestua Karjalan tazavallas eländy, sanoi omažus- da muavälilöin ministru Sergei Seledskii Karjalan piämiehen lehtistöpalvelule.
— Nygöi on suadavis 15 muapalua. Niilöi voibi kaččuo Muaresursoin halličuksen saital. Jatkammo ruaduo paikallizien ičehalličuksien kel, ku suaja Muapaloin luvettoloh l’goutujoukkoh kuulujih eläjih niškoi ližiä muapalua.
Kirjuttua zajavleenii muapalan suamizekse voibi Gosuslugi-portualan kauti, Monifunktsionualizen Keskuksen kauti, poštan kauti Ministerstvah adresile 185035 Petroskoi, Gertsinan piha, 13 libo Muaresursoin halličukseh adresile 185031 Petroskoi, Varkauksen randupiha, 3.
