Kezakus planuitas vedäda jäl’geližen Karjalaižiden, vepsläižiden da suomalaižiden nevondišton ištund Karjalan pämehenno.
Karjala om üks’ ezmäižiš regionoišpäi, kus jo 20 vot tagaze oli tehtud Karjalaižiden, vepsläižiden da suomalaižiden nevondišton ištund Karjalan pämehenno. Ištund mänetadas kerdas kvartalas da sil pagištas küzundoiš, miččed koskeba karjalaižiden, vepsläižiden da suomalaižiden küzundoid.
— Nevondišton satusiden keskes oma aburahad opendajile da üläopenikoile, ked opendaba karjalan rahvahiden kelid, karjalan da vepsän keliden opendajiden vaumičend Petroskoin universitetan pedagogižel kafedral, pauklahjad parahimile openikoile, kudambad opendaba karjalan da vepsän kelid universitetas, resurskeskusen avaidamine, sanub Karjalaižiden, vepsläižiden da suomalaižiden nevondišton ištundan ühtnik, karjalaižiden ezitai Natalja Sinickaja.
Pandemijan taguiči ištund radoi online-formatas, da täs kezakus vaumitadas vedäda sidä veronmugoižes formas.
Ištundal kactas küzudoid, miččed koskeba termiž-orfografižen komissijan radod, rahvahiden sebroiden projektoiden tomotusid, baltianmeren-suomalaižiden keliden kafedran radod, a mugažo kul’turorganizacijoiden Valdkundan tugemišt.