Karjalan väještö vanhenou
Tietojen mukah vuuvven 2024 pakkaiskuušša Karjalašša eli 143 686 yli 60-vuotisya henkie ta 63 856 yli 70-vuotista henkie. Ne tiijot on julkaistu alovehellisen Aktiivini pitkäikäisyš -ohjelman materialiloissa. Šen teksti voipi lukie Oikevušpiätökšien portalista.
Vuoten 2017 verrattuna 60+ -ikäryhmä kašvo 9 467 henkie, ta 70+ -ikäryhmän etuštajien miärä kašvo 9 495 henkie.
Kaikkieh vuuvven 2024 alušša Karjalašša eli 523 900 henkie.
— Vuuvven 2024 1. pakkaiskuuta Karjalan tašavallašša yli 60-vuotisien eläjien oša on 27,4%, mi on korkiempi, kuin Venäjän Federatijon tunnuš (24,0%). Šamoin käsiteltävän ryhmän lukumiärä kašvo 7,05 % verrattuna tietoloih vuuvven 2017 1. pakkaiskuušta. Šamah aikah väješšön lukumiärä väheni 10,6 % analogisešša aikakauvešša, kerrotah ohjelman tekstissä.
Asiepapaerin luatijat korroššetah, jotta šemmosen tendenssin takie ušeimmilla ihmisillä on vaikieta ratkaissa eri proplemoja. Ijän mittah tervehyš pahenou ta ijäkkähät ihmiset enemmän tarvitah apuo.
