Karjalan urhot: opastundu loppih
Alovehellizen Karjalan urhot -programman opastujat loppiettih opastundan da suadih diplomat.
Vuvvennu 2024 Ven’an prezidentu Vladimir Putin käski kaikis alovehis algua Urholoin aigu -projektu, kudamas opastetah erillizes voinuoperatsiespäi tulluzii. Mennyön vuvven keviäl Karjalan piämies Artur Parfenčikov pani alguh alovehellizen programman ”Karjalan urhot”.
— Programmu sai hyviä vastavustu sih yhtynyzis da erillizen voinuoperatsien veteruanois. Programmah tuli 203 zajavkua. Enzimäzeh vuoroh otettih 30 hengie. Kaikin hyö suadih opastundas kiitettävät arvosanat. Tänäpäi programman loppenuot suadih ruadokohtat eri aloil — sotsiualupuolistukses tevolližuoh suate, ilmoittau Kanzallizen da alovehellizen poliitiekan ministerstvu omassah VK-sivul.
Karjalan piämiehen nimes programman loppenuzii hyvitteli da andoi diplomat Karjalan haldivon varapremjer-ministru Larisa Podsadnik.
Aihies voit lugie suomeksegi.
Yhty Oman Median kanualah MAX:as!
