Karjalaini ohjuaja piäsi Venäjän Rauhanpalkinnon loppukilpailuh
Rauhanpalkinto annetah vuosittain aikahšuamisista yhteiskunnalla hyövyllisen työn alalla. Tänä vuotena loppukilpailuh piäsi Karjalan etuštaja, inklusiivisien projektien luatija Vladimir Rudak.
Koranarajotukšien takie valintatilaisuot piettih online. Vladimir Rudak piäsi koko Venäjän Rauhanpalkinnon loppukilpailuh #Vaštah-nominatijošša, kumpani on omissettu elämäntilantehista läpi piäšömisellä.
– Hänen tevokšet ollah ainutlutusie šentäh kun ne on šuunnattu invalidin kuvan muuttumiseh nykyaikasešša taijošša, koroššetah Rauha-nuorisotietotoimiston nettišivulla.
Vladimir Rudak on kuvattu yli kymmenen filmie, kumpaset on šuatu palkintoja festivaliloissa.
– Palkinto annetah luomistoiminnan yhteistulokšen mukah: mie kuvasin filmijä invalidisuon aihiešta, esiinnyin äijän ulkomaissa. Mie ošalliššuin inklusiivisih luomisprojektiloih Amerikašša, Šuomešša, Irlannissa, Šakšašša, Itävallašša, Armenijašša, šano ohjuaja.
