Tverissä Gertsenilla nimitetyššä kirjaštošša piettih karjalan kielellä ta kulttuurilla omissettu tilaisuš.
Keškuškirjaštošša kaikki halukkahat šuatih kuunnella interaktiivista luventuo “Karjalan paikannimistö”, käyvä käsipaikkojen näyttelyn avajaisih ta tutuštuo Tverin Karjalan karjalaiseh kotišeutumusejon toimintah.
— Mie kerron Tverin alovehella karjalaisien šiirtymisen istorijašta, tuttavuššin luvennon vierahie karjalaisen kulttuurin piäpiirtehih, mintäh karjalaiset eletäh Medveditsa-joven rannalla ta kuin hyö šäilytetäh omua kieltä ta kulttuurie, šano Karjalaisen kotišeutumusejon johtaja Jelena Romanova.
Niise tilaisuošša esiinty L’udmila Gromova, pedagogisien tietojen kandidatti ta karjalan kielen oppikirjojen valmistaja. Luovašša vaštautumisešša vierahien kera paistih Stanislav Tarasovin ta Nikolai Balakirevin kirjallisuošta.
Lopušša oli Karielan koivune -kanšanyhtyvehen valmistama lauluohjelma.