Videoluventoja “Kalevalan” starinankertojista ta runonlaulajista voipi nähä Kanšallisen kirjašton nettišivulla esitetyistä videoluvennoista. Ne on valmissettu Tiälä šäilytetäh kantatuattojen perintehie -projektin rajoissa.
– Videoluventoja kertou kirjašton piäkirjaštonruataja Jelena Saikonen. Luventojen šarjašša hiän tuttavuššuttau kuuntelijie Karjalan tunnetuimpih runonlaulajien šukuloih, runonlaulajih, kumpasien runot ollah eepossan pohjana, niise runonlaulajih, kumpaset šäilytettih lauluperinnehtä XIX vuosišualla, kerrotah projektin ruatajat.
Luventojen teemoina ollah Perttusien, Malisien, Kieleväisien, Šemeikan šuvun runonlaulajat šekä XX vuosišuan naiset-laulajat, kumpaset šäilytettih vanhoja lauluja ta runoja, ta šepitettih uušie lauluja. Luventojen šarjah videoita vielä lisäytyy.
Šuomen kielellä luve täššä.