Karjalan alovehellisien teijen korjaukšeh lisätäh yli 108 miljonie rupl’ua vuotena 2026
Vuotena 2026 alovehellisien teijen korjaukšeh lisätäh yli 108 miljonie rupl’ua. Karjalan piämieš ehotti alovehen parlamentilla kohennukšie tašavallan b’utžettiprojektilakih ta ehotti korottua tärkeimpien projektien rahotušta. Šiitä tiijottau Karjalan tašavallan tietalouven, liikentehen, pošti- ta telelaitokšen ministerijö.
— Lisävaroja käytetäh muutoman autoteijen ošien kunnoštamiseh. Niijen luvušša on muun muašša Kuola-tien Kalevala—Lonka (0.—23. km), Aunuš—Pitkäranta—Leppäšilta (65.—73. km), Vuonnini—Vuokkiniemi—Koštamuš (55.—83. km), kerrotah ministerijön tiijotukšešša.
Kaikkieh Infrastruktuuri elämyä varoin -projektin rajoissa Karjalan tašavallašša teijen korjaukšeh ta tieliikentehen turvallisuon korotukšeh šuunnattujen tilaisukšieh toteuttamiseh vuotena 2026 annetah 4,6 miljardie rupl’ua. Yli 2 miljardie rupl’ua on šuatu Karjalan piämiehen Artur Parfenčikovin aktiivisen ruavon anšijošta federalisen keškukšen kera.
Karjalan lakienluajintakokoukšen käsitelläh ehotettuja kohennukšie 4. talvikuuta toisešša ta viimeseššä kolmannešša käsittelyššä.
Yhty Oman Median Telegram-kanalah!
