Teravas Kalages pidetas jogavozne vepsläine praznik ”Kalarand”. Kalag’-külän aktivižed eläjad, a mugažo kezapertiden eläjad tuliba Änižen randale puhtastamha pallištod praznikakz, mittušt hö lujas varastaba. Necil vodel ”Kalarand”-praznik linneb 26. kezakud.
— Mö zavodim vaumitas praznikaks. Aigvodhe sija pahtastadihe kägentäišpäi. Tuli äi rahvast, ked tahtoiba abutada puhtastamha pallištod praznikaks. Kalagen eläjad tuliba lapsidenke, toiba kerdale ičeze vikatehid, haravoid, piloid, , sanub Kalagen külän administracijan pämez’ Natalja Silakova.
— Radod oli äi. Nittihe heinäd, pil’dihe kuidud penzhid da puid, puhtastadihe letepläž heinäspäi, mujutadihe scenad, stendad.
Necil vodel praznikan päadivon linneb Vepsän rahvahan hor. Necil sügüzel horale täudub 85 vot. Mugažo praznikal ezitaškandeba ”Varasta”-kollektiv Piterin agjaspäi, ”Oma pajo”-ansabmbl’ i toižed.