Pert’, miččes eli Anna Lisicina, om hänen heimolaižiden omištuses. Nece sauvotuz om vanh. Pidab vähän koheta pert’, miše kaita se.
—”Vepsän rahvahan tütär”-projektan taguiči mö tegim uzid kosketusid, tundištoitusid, meil ozutasoiš uzid idejoid, mö kingitam homaitust neche temaha. Minä tedan, miše 9.elokud Karjalan Zakonan tegendan kundan pämez’ Elissan Šandalovič oli Änižröunas. Vastusel hänenke Kalagen elotahon pämehen azjoiden tegii Mihail Pol’akov pagiži, miše nügüdläižed pertin omištajad oma vaumhed antta se valdkundale, sanub Baltianmeren-suomalaižiden rahvahiden ligan pämez’ Anna Anhimova.
— Nece om hüvä iniciativ, miččele pidab tulda eloho. Abutaškandem neciš azjas, kirjuti socialižes verkos ičeze lehtpolel Elissan Šandalovič.
Voib olda, Kalages pigai ozutase pert’-muzei, mitte linneb omištadud tetabale vepsläižele partizanale.
Uzištoid neciš temas voib lugeda mugažo venäks.