Kalages zavodib ičeze radod uz’ pirdandstudii lapsiden täht. Nügüd’ lapsed voiba opetas pirta “Värtin”- etnokul’turižen keskusen seiniš da sada tedoid todesižel pirdajalpäi. Diana Nikinčenko Petroskoišpäi zavodib opeta vepsläižen külän lapsid online.
―Minä vedän openduzčasud internetan kal’t, sikš ku ajelta Kalagehe ei ole voimust. Lapsed voiba keratas “Värtin”- etnokul’turižes keskuses da pirta ühtes. Minä opendan lapsid pirta guašil, vezimujuil, mujupirdimil. Kaikuččen urokan aigan mö pirdam erazvuiččiden tehtikoiden abul. Ozutesikš, lapsed tedištaba, kut pirta imuhosimel, sanub uden Izostudijan opendai Diana Nikinčenko.
Mugažo lapsil om voimuz opetas ičeze kodišpäi internetan abul.
Ezmäine pirdandurok om jo 3. päiväl redukud 15:00 “Värtin”- etnokul’turižes keskuses Kalages.