“Hypеrbolaini” vienakši esitetäh tänäpiänä

“Hypеrbolaini” vienakši esitetäh tänäpiänä

08.11.2023
Karjalan kanšallisešša teatterissa tänäpiänä näytetäh Hyperbolaini-spektakli. Kalevala-eepossan peruštehella valmissettu näytelmä on karjalan kielen vienan murtehella.
Kešäkuušša “Hypеrbolaini” oli esitetty venäjäkši ta šajekuušša piettih karjalankielisen spektaklin enši-ilta. 12+. Kuva: Karjalan kanšallisen teatterin VK-šivu
Kešäkuušša “Hypеrbolaini” oli esitetty venäjäkši ta šajekuušša piettih karjalankielisen spektaklin enši-ilta. 12+. Kuva: Karjalan kanšallisen teatterin VK-šivu

Karjalaisien runojen juonet Lemminkäiseštä, hänen muamošta ta pereheštä šekä karjalaiset legendat ta tarinat innoššettih ohjuaja Jegor Černišov ta käsikirjuttaja-dramaturgi Anastasija Bukrejeva valmistua spektakli nykyaikasista ta rahvahalla ominaisista ihmisšuhtehien proplemoista.  

— Hyperbolaini-spektaklissa piähahmot ei olla enyä väkövät šankarit eikä heilä ole erinomaista taikavoimua, vain hyö ollah tavalliset ihmiset omine tavallisine intoloineh, šanottih spektaklin valmistajat.

Näytelmän piäšankari Lemminkäini, kummaista šamoinki kučutah Ahtiksi ta Hyperbolaisekši lähtöy mutkikkahah pitkäh matkah, kumpani on täyši kuot’t’elukšie, käršimykšie ta virheitä. Matan tarkotukšena ei ole muailman pelaštamini vain oman ičen šekä elämän tarkotukšen eččimini. Matašša jumalat ei enyä auteta lieto Lemminkäistä, ka tovellini miešyštävyš ta pereh ollah tukena vaikeissa hetkilöissä. 

Karjalaisie runoja, kumpaset ollah spektaklin pohjana esittäy moni-iänini kuoro. Laulut ta musiikki lisätäh henkenhapatukšie ta värissytäh kaččojua šamoin kuin tanššit ta valolaittehien käyttö. 

Koko spektakli on karjalan kielellä. Jegor Černišovin ta Anastasija Bukrejevan kirjuttaman käsikirjutukšen vienakši kiänti Galina Lettijeva.

— Konša enšimmäisen kerran nävin tekstin, ajattelin, a mitein šitä voipi kiäntyä? Teksti on ylen vaikie. Tahon šanuo, kuin moločat artistat ollah, jotta opaššuttih omat roolit, vaikka monet heistä ei tiijetä karjalan kieltä ta enšin heilä oli vaikie lukie, kerto näytelmän kiäntäjä Galina Lettijeva.

Spektakli on valmissettu Pienen kotimuan kulttuuri -projektin rajoissa.


SIMILAR NEWS
Karjalan Sanomat
Ruskeala Symphony: festivaalille pääsee lisäjunalla
Musiikkifestivaalin vieraille järjestetään 27. heinäkuuta lisävuoro Pietarista.
Oma Mua
Vuottovuaran rajat ollah virrallizet
Vuottovuaran puuston rajat pandih Omažuon yhtehizeh valdivollizeh rejestrah. Ruavot rajoin panemizekse Rejestrah on luadinuh Roskadastr-laitoksen Karjalan ozasto.
Karjalan Sanomat
Uusi oppikirja avuksi vepsän oppimisessa
Petroskoissa on ilmestynyt Sanu, luge, kirjuita -oppikirja. Se sopii sekä lapsille että vepsän lukemista vasta aloittaneille aikuisille.
Karjalan Sanomat
Karjalassa on kehitetty ympäristösuojelun kehitysohjelma
Ohjelma sisältää erilaisia ympäristönsuojelutoimia. Tasavallassa avataan uudet lajittelulinjat sekä siivotaan roskista ranta-alueita.
Karjalan Sanomat
Tilastot: Karjalasta ei raportoitu yhtään metsäpaloa viikonloppuna
Metsäpalo sattui viimeksi 18. heinäkuuta Louhen piirissä.
Karjalan Sanomat
Ruskeala Symphony alkaa perjantaina — Ehdit vielä ostaa lipun!
Tänä vuonna musiikkifestivaali järjestetään Ruskealan vuoripuistossa 26.—27. heinäkuuta.
Kipinä
Pohjolan neiti: Kalevalan nukkemaailma
Heinäkuun lopussa Petroskoin kirjastossa pidetään työpaja, jonka aikana kaikki halukkaat voivat tutustua karjalaiseen pukuun ja valmistaa omin käsin Kalevala-eepoksen naishahmon puulusikoiden avulla.
Oma Mua
Yhtykkiä V nature!-kilbah!
Karjalan Kanzallizen muzein Tovelline talovus 2024 -projektan hantuzis pietäh III Tazavallan fotokuvien da videos’užietoin kilbu “V nature!”.
Karjalan Sanomat
Näyttely: Miten harjoitettiin maanviljelyä Aunuksen kuvernementissa?
Kižin saarella tänään avattava näyttely kertoo maanviljelyn perinteistä Aunuksen kuvernementissa 1800—1900-lukujen vaihteessa.
Oma Mua
Sua kompensatsii lapsen huogavundas
Karjalan Sotsiualupuolistuksen ministerstvu mustoittau, ku voibi suaja järilleh lapsienhuogavoh maksettuloin den’goin vuitti.
Login
Register
Password
Confirm password