“Mamoi da lapsed rahvahaližiš sädoiš”-konkursan tegijad taričeba tehta fotokuvan, kus tö lapsenke olet rahvahaližiš sädoiš. Ühteta konkursaha voiba ei vaiše mamad da lapsed, no tatad, baboid, dedoid i toižed kanznikad-ki, ilma igän röunatuseta. Sen täht, miše ühteta konkursaha, pidab kirjutadas saital.
— Mö toivom, miše projekt ozutab rahvahiden kul’turoid sädoiden kal’t. Kanzad, miččed ühtneba konkursaha ozutaba lapsile, kut voib kaita sädoid da rahvahan veroid ičeze elos. Nügüd’ mö saim enamb 300 pakičust, sanuba konkursan tegijad ”Naižiden ühdištusen” ühtnikad.
Pakičusen aig lopiše 25. elokud v. 2021. Fotokonkursan satused linneba pandud oficialižel saital 16. redukud kaik saba tedoid vägestajiden polhe.
Tedištada enamba konkursan polhe voib adresan mödhe.