Federualline programmu: Karjal sai enämbän 800 miljounua rubl’ua sotsiualutiloin kunnospidämizeh
Karjalan tazavaldu on suannuh 836, 8 miljounua rubl’ua sotsiualualan laitoksien rakendamizeh da kunnostamizeh. Sih nähte kerdoi Karjalan halličuksen talovusazieloin varaministru Oleg Jermolajev omal Telegram-kanualal.
Tugivaroil rakendetah sportukeskus Anukses. Kostamukseh luajitah jiäkur’oikenty.
— Ližäkse perustehellizesti kohendetah kul’tuurutaloi da kinoteatru Anukses. Sordavalas kohendetah kaksi histouriellistu rakendustu: škola noumeru 1 da 4, kerdoi Jemolajev tiedottehes.
Tazavaldu on suannuh tugivarua federuallizen Kyläalovehien nygyaigaine ulgonägö -programmas, kudai kuuluu suurembah Kyläalovehien kehittämine-programmah.Tämän programman varoil tazavallan piirilöis kunnostetah tänä vuon seiččei yhtehisty kohtua. Luvettelus ollah Puudogan, Lahdenpohjan, Onieganrannikon piirilöin, Kostamuksen linnanpiirin da Suojärven piirikunnan paikat.
Aihies voit lugie suomeksegi.
