Sur’ etnografine diktant nece om keskrahvahaline tedoakcii. Miše kirjutada diktant, ristitul om 45 minutad. Jäl’ges necidä aigad päzund tegendoihe om sauptud.
–Diktantas om 30 küzundad: 20 niišpäi om kaikiden täht, a 10 küzundad om regionaližid. Kaikutte Venäman region oigendab meile 10 küzundad, miččed oma ičenaižed kaiken agjan da regionan täht. Diktantan ühtnikad voiba valita ičeze regionan oficialižel saital i vastata küzundoihe, sanub diktantan tegii Anastasia Karavajeva.
Tegendoid voib löuta akcijan oficialižel saital. Tedištada oiktoid vastusid da sada todištusen voib ani diktantan jäl’ghe.
Sur’ etnografine diktant pidädas jo viž vot. Akcijan pätegii om Udmurtian valdkundan federaline agenstv rahvavahiden azjoiden mödhe.
Ližatedoid voib löuta Akcijan oficialižes VKgruppas.