Enamb 150 last ühtenzoiti vepsän fol’kloran festival’ Šoutjärves
Vepsän fol’kloran karg- da pajofestivalihe ühtni 15 kollektivad, a nece om enamba 150 ühtnikad erazvuiččiš vepsän agjoišpäi. Ühtnikoin oma školiden openikad da lapsed päivkodišpäi, kaik heid ühtenzoitab armastuz kodiröunaha. Paiči Petroskoi-lidnad da adivoid Änižröunan vepsläižiš külišpäi ”Pajokeraine”-festivalil eziniba kollektivad Vologdan agjan Kuja-, Borisovo-Sudskoje-, Timošino-külišpäi da Babajevo-lidnaspäi.
— Tämbei festivalile kerzaihe meiden sebranikad, meiden vepsän man tradicijoiden todesižed kaičijad. Kenele, ku ei lapsile, pidab kehitoitta da kaita vepsän rahvahan kul’turad, miše sirtta sidä toižile-ki sugupol’vile, sanub üks’ festivalin tegijoišpäi, Šoutjärven školan pämez’ Natalja Bikova.
Tämbeižeks azjtegoks Karjalan rahvahaližen ministerstvan abul subsidijale Igähižiden vähäluguižiden rahvahiden leda socialižele kehitoitandale Šoutjärvehe oli osttud scen, mitte linneb tarbhaižen toižiden –ki praznikoiden pidändan täht tulijal aigal.
”Pajokeraine”-festival’ lopi ”Kelʼt ei jüged kandišt”-projektan azjtegoid, miččed tehtas täl vodel Vepsän kul’turan voden aigan.
