Bubrihan lugemištod keraziba suomalaiž-ugrilaižid tedomehid

Konferencijaha ühtni läz 100 mest kacmata pandemijaha. Kuva: Venäman tedoakademijan Karjalan tedokeskusen VKontakte-lehtpol’.

Konferencii mäni institutan sauvotuses da online-formatas, Zoom-platformal.

Konferencijaha ühtni läz sada mest. Täl vodel koronapandemijan taguiči konferencii mäni toižes formatas: petroskoilaižed voiba ühteta konferencijaha tuldes Tedoakademijaha, ühtnikad toižiš lidnoišpäi ühtniba Zooman kal’t. Mugoine format abuti kerata ristituid ei vaiše Venämalpäi, no Vaugedvenämalpäi da Italiaspäi-ki ühthe.

— Om lujas tärged, miše ristitud toižiš suomalaiž-ugrilaižiš valdkundoišpäi voiba ühteta konferencijaha, sanui üks’ konferenijan tegijoišpäi, Irina Novak.

Konferencii täl vodel oli kaikid suremb. Se mäni kaks’ päiväd, sil oli viž sekcijad da koume kehkerad stolad. Kaik sekcijad kosketiba rahavahlišt sanad erazvuiččiš polišpäi. Konferencijan tegijoin oma Karjalan Tedoakademijan Kelen, literaturan da istorijan institud da Petroskoin universitet.

Konferencijan znaman oli suomalaiž-ugrilaine kel’pu.

— Pu – nece om elon znam. Tahtoin uskta, miše konferencijan aigan mö voim ei vaiše vajehtadas uzil tedoil, no sada-ki hüväd mel’t da hengen libutandad tulijoiden tedotöiden tegemižen täht, sanui Kelen, literaturan da istorijan pämez’, istoriližiden tedoiden doktor, Ol’ga Il’uha.