Artur Parfenčikov ta Venäjän duuman deputatti käsiteltih, mitein Karjalašša autetah erikoisšotaoperatijon veteranija
Venäjän duuman deputatti Jelena Tsunajeva ta Karjalan tašavallan piämieš Artur Parfenčikov käytih Tuantonmuan puoluštajat -šiätijön alovehellisešša ošaštošša. Hyö käsiteltih, mitein Karjalašša autetah erikoisšotaoperatijon ošallistujie ta heijän perehie. Asiešta ilmottau Karjalan tašavallan piämiehen lehistöpalvelu.
— Jelena Tsunajeva mainičči alovehen parahie apupraktiikkoja erikoisšotaoperatijon ošallistujie ta heijän perehie varoin. Veterani šuau ajokortin ta mahollisuon ajua käsiohjaušautuo, još jykeijen huavojen takie hiän ei voi ajua tavallista autuo. Veteranit opaššutah ohjuantua ilmasešti alovehen b’utžetin varoilla, kerrotah tiijotukšešša.
Šamoin 250 perehtä on šiirretty hätätaloloista vuoron ohičči. Veteranit šuahah alkua omua liikehtoimintua: šiih heilä annetah 400 tuhatta rupl’ua, a heijän perehillä — 300 tuhatta rupl’ua. Erikoisoperatijon alušta 22 henkie on avannun omie yritykšie.
Artur Parfenčikov korošti, jotta erikoisoperatijon ošallistujien kyšymykšie käsitelläh indivudualisešti.
— Paikoilla ihmiset paremmin tiijetäh, mitä tarvitah Tuatonmuata puoluštajat muanmiehet ta heijän perehet. Heijän kera ruatah yhteiskunnan etuštajat ta volont’orit. Yheššä hyö piäššäh vaikeista tilantehista, šano alovehen piämieš omalla lehistöpalvelulla.
— Yhteiskunnan ošallistumista erikoisšotaoperatijon veteranien kyšymykšien ratkaisomiseh käsitelläh federatijon tašolla, lainatah tiijotukšešša Jelena Tsunajevan šanoja.
Yhty Oman Median Telegram-kanalah!
