Uušista oppikirjoista kerrottih seminarissa

Uušista oppikirjoista kerrottih seminarissa

Maikki Remšujeva
29.01.2025
Karjalan opaššukšen kehityšinstituutissa piettih metodini seminari “Kirjallisušlukomisen oppikirjat 1. luokkua varoin karjalan, vepšän ta šuomen kielellä”.
1.	Seminarih otettih ošua kirjallisušlukomisen oppikirjojen luatijat ta toimittajat šekä muamonkielien opaštajat. 0+ Kuva: Maikki Remšujeva
1. Seminarih otettih ošua kirjallisušlukomisen oppikirjojen luatijat ta toimittajat šekä muamonkielien opaštajat. 0+ Kuva: Maikki Remšujeva

Kirjallisušlukomisen oppikirjat 1. luokkua varoin (0+) oli painettu Karjalašša 2024 vuuvven lopušša. Uušilla oppikirjoilla omissettu metodini seminari piettih Karjalan opaššukšen kehityšinstituutissa 23. pakkaiskuuta. Seminarih otettih ošua kirjallisušlukomisen oppikirjojen luatijat ta toimittajat šekä karjalan, vepšän ta šuomen kielen opaštajat.

— Seminarin aikana myö rupiemma pakajamah šiitä, mitein käyttyä uušie kirjallisušlukomisen oppikirjoja 1. luokkua varoin muamonkielen tuntiloilla šekä oppituntien ulkopuolisissa harjotukšissa, šelitti Karjalan opaššukšen kehityšinstituutin vanhempi metodisti, oppikirjojen luatija Ol’ga Hramtsova seminarin alušša.

Seminarin aikana myö rupiemma pakajamah šiitä, mitein käyttyä uušie kirjallisušlukomisen oppikirjoja 1. luokkua varoin.
Ol’ga Hramtsova, metodisti, oppikirjojen luatija

Kirjallisušlukomisen oppikirjat 1. luokkua varoin karjalan, vepšän ta šuomen kielellä täyvennetäh 1. luokan Muamonkielen oppikirjoja. Uušie oppikirjoja voipi käyttyä Muamonkielellä kirjallisušlukomisen tahi Muamonkielen tuntiloilla.

Kirjallisušlukomisen oppikirjoissa on runoja ta proosatekstijä šekä mukavie tehtävie 18 teeman mukah: Karjala, tuttavuštumini, pereh, vuuvvenajat, kukkaset, koulu, Uuši vuosi, meččä- ta kotielukat, kukat, meččä, ihmini, aika. 

— Oppikirjan avulla koululaiset yritetäh kuuntelomalla ymmärtyä kieltä ta paissa. Lapšet opaššutah erottamah proosa- ta runotekstijä, tuntomah runojen ritmie ta loppušointuo. Opaštujat kuunnellah tekstijä, toissetah niitä opaštajan jälkeh, opaššutah runoja muistih, esitetäh ta piiruššetah niitä. Tehtävät on valmissettu leikkimuuvvošša, kerto Ol’ga Anatoljevna.

Oppikirjan avulla koululaiset yritetäh kuuntelomalla ymmärtyä kieltä ta paissa. Tehtävät on valmissettu leikkimuuvvošša.
Ol’ga Hramtsova, metodisti, oppikirjojen luatija

Karjalan opaššukšen kehityšinstituutin metodistit valmissettih stolapeli, mi auttau ymmärtyä Kirjallisušlukomisen oppikirjoissa käytettyjen tehtävien moninaisutta. Stolapelin avulla seminarin lopušša vietetyššä muasteri-opissa kaikin šuatih tuttavuštuo oppikirjojen tehtävih leikkimuuvvošša ta verrata erilaisie muamonkielijä.

— Tavallisešti omašša ruavošša myö käytämmä yhtä muamonkieltä ta unohamma, jotta niitä on monta ta jotta niissä on yhteikohtie, mit autetah kielien ymmärtämistä, korošti muasteri-opin jälkeh karjalan kielen opaštaja Koštamukšešta Marina Perttunen.

Kirjallisušlukomisen oppikirjojen 1. luokkua varoin luatijina ollah Ol’ga Hramtsova, Nadežda Petrova, Jelena Ruppijeva, Jelena Pankratjeva, Jelena Šumilova. A kirjojen korissukšena ollah taiteilija Dmitrii Dmitrijevin valmistamat kirkkahat ta kaunehet kuvat. 

Kirjallisušlukomisen oppikirjat šuahah ne koulut, missä lapšet opaššutah karjalan, vepšän ta šuomen kieltä. Šamoin Etnokulttuurini šivissyš Karjalan tašavallašša -saitin Metodiset huonehet -ošaštošta voit löytyä Kirjallisušlukomisen oppikirjat 1. luokkua varoin šähkömuuvvošša šekä metodisešša seminarissa esitettyjä materialija.


ПОХОЖИЕ СТАТЬИ
Karjalan Sanomat
”Hyvä maine kansasta levinnyt Venäjälle”
Vepsäläinen kulttuuriseura keräsi eri aloilla kielen ja kulttuurin hyväksi toimivia asukkaitaja valtaelimien edustajia seminaariin.
Oma Mua
Lyhyöt luvennot omissettih Karjalan kantakanšoilla
Pakkaiskuun viimesenä iltana Petroskoissa piettih Kotišeutuni “Viisaš piätinččä”. Nellä luventuo oli omissettu oneganiemiläisillä, pomoriloilla, vepšäläisillä ta karjalaisilla.
Karjalan Sanomat
Käsityöt osana vammaisten elämää
Hankkeessa vammaiset neuloivat hattuja ja kaulaliinoja, punoivat koreja rottingista, oppivat leipomaan piirakoita ja piirtämään.
Karjalan Sanomat
Kulttuurilaitokset mittavaan remonttiin
Tästä vuodesta alkaen kulttuurilaitoksia peruskorjataan Perhe-kansallishankkeen tuella. Vuosina 2025 ja 2026 perusparannetaan yhdeksän kulttuurirakennusta.
Oma Mua
Kuulužas hirurgas jäi hyvä musto
Anuksen kuulužan hirurgan da liečedieloh opastajan P’otr Studitovan 140-vuozipäiväkse.
Karjalan Sanomat
Petroskoilainen kuvaa elokuvan Iranissa
Ivan Kulnevin seikkailufilmi kertoo 10-vuotiaasta venäläisestä pojasta, joka joutuu sattumalta mukaan harvinaisen timantin varkauteen. Elokuvassa esiintyy venäläisiä ja iranilaisia näyttelijöitä.
Karjalan Sanomat
Opiskelijat kokeilemassa koulunopettajina
Petroskoin valtionyliopiston suomen, karjalan ja vepsän opiskelijat ovat aloittaneet harjoittelunsa kouluissa Petroskoissa, Soutjärvellä ja Vieljärvellä.
Oma Mua
“Meile ei ole vierastu. Meil kai ollah omat”
Uvvenvuvven aigah Rauhažan taivahan puoles -frontukonsertujoukkoh kuulujat rahvas käydih hyvittelemäh saldattoi.
Oma Mua
Vieristänny svätittih vetty
Mibo on Vieristy? Vieristy, meijän Herran, Jumalan, Iisusan Hristosan, Spuasan ristindypäivy on suurimii da kallehimii ristittylöin pruazniekkoi.
Karjalan Sanomat
Karjalaisten elintavat kiinnostavat turisteja
Lyydiläinen Galina Paršukova kertoo karjalaisten perinteistä ja opettaa matkailijoille karjalankielisiä sanoja.
Войти
Регистрация
Пароль
Повторите пароль