Rosstat-saitilla on julkaistu vuuvven 2020 väjenlašennan lopulliset tiijot. Niistä löytyy tietoja Karjalan kantakanšojen lukumiäräštä. Väjenlašennan mukah karjalaisie on koko Venäjällä 32422 henkie, heistä 25901 henkie Karjalan tašavallašša. Vepšäläisie eläy koko Venäjällä 4534 henkie, heistä 2471 henkie on Karjalašša.
Niise on lukuja muamonkielellä pakasijista. Vepšän kieltä tietäy 2173 ihmistä ta käyttäy šitä 1444, karjalan kieltä tietäy 13 872 ta käyttäy šitä 8688.
Toimituš kyšy lukumiärien šelitykšie Karjalan kanšallisen ta alovehellisen politiikan ministerijöltä ta IX Karjalaisien kerähmön valtuutettujen neuvoštolta. Oli luvattu šelittyä tilannehta myöhemmin.
Iellisen väjenlašennan mukah karjalaisie oli 45 tuhatta ta vepšäläisie kolme tuhatta.
Lisyä tietuo löyvät Rosstat-saitilta.