Zaonežjespäi kehitoittas uz’ Karjalan valdkundan turisttaho. Tahon kehitoituz tehtas tutabas Kiži-sares ümbri.
Muzejan nügüdläine tulendsija saudas läz Ojatevčšina-küläd. Neciš sijas oma adivoidenkeskuz, kafe, valdmad, adivpert’, möndčokim da seižutezsija. Tahon irdpolel biznesmehed tahtoiba sauda sijan kempingan täht. Matk, mitte om vänemb kolometrad küläspäi sarele, jatkub läz 15 minutad.
Nügüd’ Velikaja Guba- da Ojatevčšina-küliden keskes om 31 kiometran pitte te. Zaonežjen küläd oma mugažo vaumhed avaitas turistoile.
— Turistad rigehtiba Kiži-sarele. Hö ei tekoi nimidä Zaonežjen küliš, miččiden arhitektur om kaitud vanhoiš aigoišpäi da miččiš eläba völ vanhan kul’turan jäl’genikad, sanub Zaonežjen pertin pämez’ Natalja Vilk.
Läz nedalid tagaze organizacii vägesti Karjalan pämehen aburahad pakičusehe Zaonežjen eläbzdud tarinad. Projektan aigan tehtas turistmatk, mitte ühtenzoitab seičeme küläd. Turistmatkaha mülüba Šun’ga, Tolvuja, Lambasručei, Kosmozero, Kuzaranda, Foimoguba da Velikaja Guba.
Luge ližad Karjalan Sanomad-lehtesespäi 08-07-2020